"Tibbi sığorta haqqında" qanunun işləməməsi onun işlək mexanizminin olmaması ilə bağlıdır. Bu barədə Trend ə Milli Məclisin iqtisadi siyasət daimi komissiyasının üzvü, Azərbaycan Demokratlar Birliyinin sədri Əli Məsimov bildirib.
Millət vəkili bildirib ki, adıçəkilən qanunun işləməsinə mane yaradan amillərdən biri də səhiyyə sistemində olan boşluqlardır: "Bu boşluğu aradan qaldırmaq üçün dövlət tərəfindən mexanizm hazırlanmalıdır. Səhiyyə sistemində bir sıra islahatların da aparılmasına ehtiyac var". Ə.Məsimov onu da vurğulayıb ki, "Tibbi sığorta haqqında" qanunun işləməməsi vətəndaşların xeyrinə deyil. Bunu isə bir sıra amillərlə izah edib.
Millət vəkili onu da bildirib ki, nə sığorta, nə də vətəndaşlar bu qanunun işləməsində maraqlı görünmürlər.
