Yaxın vaxtlarda "İnvestisiya fəaliyyəti haqqında" qanun layihəsi ikinci oxunuşda baxılmaq üçün yeni redaksiyada parlamentə təqdim olunacaq. Trend in xəbər verdiyi kimi, bu barədə iqtisadi siyasət Komissiyasının sədri Ziyad Səmədzadə bildirib.
Onun sözlərinə görə, bu qanun layihəsinin qəbul edilməsi vacibdir. Mövcud qanunun qəbul olunmasından keçən son 10 il ərzində ölkədə investisiya mühiti dəyişib. Bu proses qanunvericilikdə öz əksini tapmalıdır.
Z.Səmədzadə qeyd edib ki, bu, vergi və digər güzəştlərin tətbiqinin nəzərdə tutulmadığı çərçivə qanunudur. Bu proses hər bir sərmayəçi ilə fərdi qaydada həyata keçiriləcək.
"Qanun layihəsinin parlamentin yaz sessiyası başa çatanadək qəbul olunması gözlənilir", - deyə o qeyd edib.