Litva prezidenti Valdas Adamkusun Azərbaycana səfər tarixinin dəyişdirilməsi ilə əlaqədar aprelin 19-da Bakıda keçirilməsi planlaşdırılan Azərbaycan-Litva biznes-forumu qeyri-müəyyən müddətə təxirə salınıb. Bu barədə Trend ə İxrac və İnvestisiyaların Təşviqi Fondundan (AZPROMO) məlumat verilib.
Forumda 100-dək azərbaycanlı iş adamının iştirakı gözlənilirdi. Litva Biznes Birliyini bu ölkənin Sənayeçilər Konfederasiyası, süd məhsulları istehsalı Assosiasiyası, tikinti, poladtökmə, kimya və digər sənaye sahələri üzrə iş adamları təmsil etməli idi.
