...

Azərbaycanın kənd təsərrüfatı məhsulları istehsalçılarına yenə də güzəştlər edilə bilər

Biznes və iqtisadiyyat xəbərləri Materials 13 Aprel 2006 20:50 (UTC +04:00)

Trend-i buradan izləyin

Vergilər Nazirliyi kənd təsərrüfatı istehsalçıları üçün vergi güzəştlərinin müddətinin uzadılması ideyasını dəstəkləyir. "Aqrar sektorda inkişafı dəstəkləmək üçün güzəştlərin müddətinin 5 il uzadılması məqsədəuyğun olardı". Trend in xəbər verdiyi kimi, bu barədə vergilər naziri Fazil Məmmədov məlumat verib.

Qüvvədə olan vergi tətilinin müddəti 1 yanvar 2008-ci ildə başa çatır. Bu tətil istehsalçıları torpaq vergisindən başqa, bütün vergilərdən azad edilməsini nəzərdə tutur.

Nazirin sözlərinə görə, bir çox inkişaf etmiş ölkələrdə kənd təsərrüfatı, o cümlədən kənd təsərrüfatı məhsullarının ixracı subsidləşdirilir. Buna görə də Azərbaycan vergidən azad etməklə aqrar sektoru dəstəkləməkdə davam edəcək və ya digər subsidləşdirmə sistemi tətbiq olunacaq. Bu qərar hökumət səviyyəsində qəbul edilir.

Azərbaycanda kənd təsərrüfatından başqa, PSA çərçivəsində fəaliyyət göstərən neft-qaz şirkətlərinə də güzəşt edilir, "Azərenerji" isə subsidiya alır. İl ərzində ölkədə aqrar və enerji sektorlarına birbaşa və ya vasitəli subsidiyaların həcmi $1 mlrd təşkil edir.

Xəbər lenti

Xəbər lenti