Azərbaycan Milli Bankının məlumatlarına əsasən, 2006-cı ilin 1-ci rübündə yerli bankların depozit bazası 9,5% artaraq 1.411 mln. manat təşkil edib. Milli bankdan Trend ə verilən məlumata əsasən, hüquqi və fiziki şəxslərin bank depozit və əmanətlərinin ümumi həcmi 2005-ci ilin analoji müddətilə müqayiəsədə 41,3% artıb.
İl ərzində manatla qoyulan depozit və əmanətlərin çəkisi 19,3%-dən 22,9%-dək artaraq 322,6 mln. manat təşkil edib. Xarici valyuta ilə banklara 1088,4 mln. manat qoyulub.
Aprelin 1-nə olan vəziyyətə görə, fiziki şəxslərin əmanətləri 29,9% artaraq 545 mln. manata çatıb. Hüquqi şəxslərin depozitləri 49,5% artaraq 866 mln. manat təşkil edib.
Milli valyuta məzənnəsinin möhkəmlənməsi ilə əlaqədar il ərzində manatla qoyulan əmanətlər 2,12 dəfə, 2006-cı ilin əvvəlində - 24,2% artıb, xarici valyuta ilə qoyulan əmanətlər həmin müddət ərzində 23% və 8,5% artıb. Hüquqi şəxslərin manatla olan depozitlərinin həcmi üç ay ərzində 30,9%, xarici valyuta ilə isə - 1% artıb.