Azərbacyanda dizel yanacağının bahalaşması ilə əlaqədar həmin yanacaq növündən istifadə edən kənd təsərrüfatı müəssisələrinə verilən dotasiyanın büdcə vəsaitləri hesabına artırılacaq. Bu barədə, Trend agentliyinin məlumatına əsasən, kənd təsərrüfatı naziri İsmət Abasov mayın 24-də İnterfood Azerbaijan 2006 sərgisinin açılışında bildirib.
"Ötən il dizel yanacağı fermerlər üçün güzəştli qiymətlərlə ayrıldığı halda, müəyyən səbəblər üzündən onlara çatdırılmaması kimi hallar da nəzərə alınmalıdır. Ona görə belə tədbirlərin daha səmərəli görülmə yollarının tapılması lazımdır. Ancaq məsələ indiyə qədər açıq qalıb" - deyə nazir vurğulayıb.
Nazir qeyd edib ki, hər hansı bir məhsulun qiyməti də ayrı-ayrı aqrar sahələr üzrə dizel yanacağının xüsusi çəkisi nəzərə alınmaqla artırılmalıdır.
