AZAL yenidən qurulan Lənkəran və Gəncə aeroportlarının ehtiyaclarına görə radionaviqasiya və meteoroloji avadanlığın alınması üçün tender elan edib. Trend in verdiyi xəbərə görə, keçirilən tenderə radionaviqasiya sistemlərinin və meteoroloji avadanlığın alınmasından ibarət iki lot daxildir.
Müsabiqənin qalibini müəyyən edən zaman avadanlığın aşağı qiymətinə, yüksək keyfiyyətinə, analoji layihələrdə iş təcrübəsinə, layihənin vaxtında yerinə yetirilməsinə üstünlük veriləcək.
Tenderdə iştirak üçün ərizələr bu il iyul ayının 28-ə qədər təqdim olunmalıdırlar. Tender təkliflərinin qəbulu avqustun 3-ə qədər həyata keçiriləcək. Tender paketlərinin açılışı 4 avqust 2006-cı ildə olacaq.
Lənkəran aeroportunun yenidən qurulmasının dəyəri 40 milyon dollar məbləğində qiymətləndirilir. Zaqatala aeroportunun yenidən qurulması üçün isə təxminən 20 milyon dollar tələb olunur.