Avropa Yenidənqurma və İnkişaf Bankı (AYİB) ilə CredAgro qeyri-bank kredit təşkilatı arasında saziş avqust-sentyabrda imzalanacaq. Kredit təşkilatından Trend ə verilən məlumata əsasən, ləngimə CredAgro-nun 2005-ci il fəaliyyətinin Azərbaycanın TID Consult şirkəti tərəfindən həyata keçirilən auditor yoxlaması, İtaliyanın Microfinanza reytinq agentliyi tərəfindən aparılan reytinq qiymətləndirməsi və digər prosedur məsələlər ilə bağlıdır. Bütün bu məsələlər iyulun sonuna qədər həll olunacaq.
Aropa bankı CredAgro-ya kiçik və orta sahibkarlığın inkişafı üçün 3 il müddətinə $1 mln. həcmində kredit xəttinin açılmasını təsdiqləyib.
Bu haqda sənəd hələ mayın 11-də, AYİB-in prezidenti Jan lemyerin Azərbaycana səfəri çərçivəsində imzalanmalı idi, lakin ACDI- IOCA-nın narazılığı üzündən təxirə salındı. CredAgro AYİB-dən kredit alan ilk qeyri-bank təşkilatıdır. İndiyə qədər AYİB Azərbaycanda əsasən bank təşkilatlarını maliyyələşdirib.
