Azərbaycan Mikromaliyyələşdirmə Bankı ilin sonuna qədər kredit portfelini $33 mln-na qədər artırmaq niyyətindədir. Bu barədə, Trend agentliyinin məlumatına əsasən, iyulun 6-da bankın rəhbəri Tomas Engelhardt bildirib.
Onun sözlərinə görə, iyunun sona olan vəziyyətə görə bankın kredit portfeli $27 mln. həcmində 8 233 kredit təşkil edib. 3,5 illik fəaliyyəti ərzində bank $71 mln həcmində 26 min kredit verib. Kreditin orta həcmi təxminən $3 mindir.
Bankın rəhbəri deyib ki, ilin sonuna qədər bankın aktivlərini $35,7 mln-dan $45 mln-dək artırmağı planlaşdırır.
İyulda təxminən 1600 müştəriyə kredit verilib. Məbləğ $100-125 min, faiz göstəricisi - 18%- 36% təşkil edib.
Bank 2002-ci il oktyabrın 29-da Bakıda $6.85 mln. nizamnamə kapitalı ilə AYİB (18.2%), BMK (25.6%), QDTİB (25.6%), KfW (24.9%) və LFS Financial Systems GmbH (5.7%) tərəfindən təsis olunub.
