10 ay ərzində "Azərbaycan Beynəlxalq Bankı - Moskva" Iisa International beynəlxalq ödəniş sisteminin 4,5 min plastik kartını buraxıb. Bu barədə Trend ə "Azərikard" prosesinq mərkəzindən xəbər veriblər. Bu kartların qeydiyyatı "Azerikard"da keçirilir. Bu yaxınlarda Sankt-Peterburq filialı da Iisa kartlarının emissiyasına başlayıb.
Hazırda bank öz müştəriləri üçün rubl və dollarla müxtəlif IISA kartları (Gold, Classic, Electron) buraxır.
"Azərikard"dan bildirildiyi kimi, hazırda "ABB -Moskva" MasterCard International ödəniş sistemində sertifikasiyadan keçir.
Bank 2006-cı il ərzində müştərilərinə kartların açılışını və kartlar üzrə xidmət göstərməyi planlaşdırır.
"ABB - Moskva" 2002-ci ildə qeydiyyata alınıb. Bankın nizamnamə kapitalı 270 200 000 rubl təşkil edir. Sankt-Peterburq filialı 2003-cu ildə qeydiyyata alınıb.