2006-cı ilin yanvar-oktyabr aylarında Naxçıvan MR-də ÜDM-nin həcmi 2005-ci ilin analoji dövrü ilə müqayisədə 21,4% artaraq, 165763,5 min manata çatıb. NMR-in Bakıdakı daimi nümayəndəliyindən Trend ə verilən məlumata görə, bu dövr ərzində ÜDM strukturunda 44,3%, və ya 140780,5 min manat mal istehsalının payına düşüb. Göstərilmiş xidmətlərə görə, 165763,5 min manat (52,2%) məbləğində əlavə dəyər əmələ gəlib. 3,5%, və ya 11006,9 min manat xalis məhsul və idxal vergisinin payına düşür.
Bundan başqa, təhsil sahəsində 12,6% (40129,8 min manat), kənd təsərrüfatında - 19,3% (61386,2 min manat), tikintidə - 12,4% (39264,5 min manat), nəqliyyatda - 5,4% (17191,1 min manat), rabitə sahəsində - 2,2% (6916,6 min manat), topdan və pərakəndə satışda, o cümlədən avtomobillərin və müxtəlif məişət əşyalarının təmirində - 22,8% (72580,8 min manat), mehmanxana və restoranlarda xidmət sahəsində - 0,5% (1546,6 min manat) və digər xidmətlər üzrə - 21,3% (67528,4 min manat) həcmində əlavə dəyər əmələ gəlib.
