Fevralın 8-9-da Bakıda keçiriləcək saxta dərman preparatları ilə mübarizə üzrə beynəlxalq konfransın proqramı açıqlanıb. Trend Ümumdünya Gömrük Təşkilatına (ÜGK) istinadən xəbər verir ki, tədbirin birinci günündə Azərbaycanın baş naziri Artur Rəsizadənin və Azərbaycan Dövlət Gömrük Komitəsinin (DGK) sədri Aydın Əliyevin nitq söyləyəcəyi gözlənilir.
Konfrans ictimaiyyətin diqqətini saxta dərman preparatları ilə ticarət kimi ciddi problemin həllinə, beynəlxalq qüvvələrin iştirakı ilə onun qarşısının alınması üzrə həll yollarına cəlb etmək üçün qüvvələrin səfərbər olunmasına yönəldilib.
ÜGT-nin, Ümumdünya səhiyyə təşkilatının, İntellektual mülkiyyət üzrə Ümumdünya təşkilatının, İnterpolun, Avropa Komissiyasının, Azərbaycanın Səhiyyə Nazirliyinin, Almaniyanın gömrük cinayətlərinin araşdırılması departamentinin prezidenti Karl X.Matiasın, Sanofi Aventis, Procter & Gamble, Dintag Corp və b. şirkət nümayəndələrinin məruzələri olacaq.
2 günlük konfrans işini Azərbaycan tərəfinin təşkil etdiyi, Azərbaycanın birinci xanımı, millət vəkili, UNESCO və ISESCO-nun xoşməramlı səfiri Mehriban
Əliyevanın fəxri qonaq kimi iştirak etdiyi qala- naharla başa vuracaq.
Tədbirin təşkilatçıları Azərbaycan DGK və ÜGT-dir.