Dövlət Gömrük Komitəsinin (DGK) sədri Aydın Əliyev Türkiyəyə dəvət edilib. Trend xəbər verir ki, bu barədə DGK başçısı ilə görüş zamanı Türkiyənin Avropa İttifaqı məsələləri və Gömrük İdarəsi xarici əlaqələri üzrə baş direktoru Rza Mehmet Korkmaz bildirib.
Onun sözlərinə görə, dəvət Türkiyənin dövlət naziri Gürşad Tüzmənin adındandır.
Dəvətə cavab olaraq A.Əliyev yaxın zamanlarda Türkiyəyə səfəri həyata keçirəcəyinə əminliyini bildirib.
DGK başçısı bildirib ki, bu gün Azərbaycan və Türkiyə arasında münasibətlər müxtəlif sahələrdə, eləcə də gömrük sahəsində ən yüksək səviyyədədir və gələcəkdə də inkişaf etdirilməlidir.
