Azərbaycan,Bakı/müxbir Trend İ.Xəlilova/UBS investisiya şirkətinin nümayəndə heytənin Azərbaycana səfəri martın birici yarısında gözlənilir. Bu barədə "Azərbaycan İnvestisiya Şirkəti" (AİŞ) SC-nin icraçı direktoru Anar Axundov məlumat verib.
Bu, 2006-cı ilin dekabrında AİŞ-in ABŞ və Londondakı təqdimatından sonra xarici investisiya şirkətləri nümayəndələrinin Azərbaycana artıq ikinci səfəridir. İlk səfər fevral ayında Greylock Capital Management Amerika şirkətinin nümayəndələri tərəfindən həyata keçirilib.
Görüşdə Azərbaycanın qeyri-neft sahəsində birgə investisiyalaşdırma imkanlarına baxılacaq. Bu investisiya şirkətləri bütün böyük layihələrdə iştirak etməkdə maraqlıdır və bütün mümkün variantları nəzərdən keçirməyə hazırdır. İnvestisiyalar şirkətin səhmlərində və ya borc alətlərinin əldə olunması ilə bağlı ola bilər, A.Axundov hesab edir.
Greylock AİŞ-in konkret layihələrlə çıxış etməsini gözləyir. Bakıya baş tutmuş səfər çərçivəsində bəzi layiəhələr üzrə detallaşdırılma işi aparılmış, lakin yalnız məramnamə protokolunun imzalanmasından sonra konkret layihələrlə ona müraciət olunacaq, AİŞ rəhbəri hesab edir.
Ötən il A.Axundovun ABŞ-a səfərinin əsas məqsədi aparıcı investisiya şirkətlərini Azərbaycan iqtisadiyyatının inkişaf potensialı və ölkənin əlverişli investisiya şəraiti, həmçinin ölkənin qeyri-neft sahəsinə investisiyaların cəlb olunması üçün investorlar şəbəkəsi barədə məlumatlandırmaq olub. Greylock və UBS ilə yanaşı AİŞ-lə layiəhələrin birgə maliyyələşdirməsinə J.P.Morgan, BCP Securities, Bear Stearns və başqa aparıcı investisiya şirkətləri tərəfindən də maraq göstərilib.
