...

Azərbaycan isulin zavodunun tikilməsi üçün sərmayədarlarla danışıqlar aparır

Biznes və iqtisadiyyat xəbərləri Materials 9 Aprel 2007 20:36 (UTC +04:00)

Trend-i buradan izləyin

Azərbaycan, Bakı/ Trend müxbir İ.Xəlilova / Azərbaycan investisiya şirkəti" SC aprel ayında Azərbaycanda insulin zavodunuin tikintisində maraqlı olan xarici şirkət nümayəndələrinin Bakıya səfərini gözləyir. Bu barədə bazar ertəsi AİŞ-in icraçı direktoru Anar Axundov məlumat verib.

AİŞ rəhbəri şirkətlərin adlarını açıqlamaqdan imtina etsə də, danışıqlar zamanı baza sazişinin imzalanması ehtimalını istisna etməyib.

Şirkət rəhbəri dünyada lider olan "Novo-Nordisk" şirkəti ilə danışıqlar aparıb. Eyni zamanda vaxt və effektliliyi itirməmək üçün digər operatorlarla da danışıqlar aparılıb.

İnvestisiya şirkəti 2-3 şirkətə müraciət edib, artıq bir şirkətdən ilkin razılıq alınıb.

Sərmayədarlar qarşısında AİŞ iki şərt qoyur - ixrac istiqamətli insulin zavodunun tikilməsi, yeni müəssisə regional xarakter daşımalı və dünyada ən yüksək keyfiyyətli insulin istehsal etməlidir.

"Dünyada iki texnologiya mövcuddur, biz insulin zavodunda ən müasir texnologiyanın tətbiqini sərmayələşdirməyə hazırıq", - deyə A.Axundov bildirib.

AİŞ yaradılacaq müəssisədə 25 faiz paya malik olmaq niyyətindədir, cəlb olunacaq şirkət isə əsas səhmdar olacaq.

Ölkədə bu dərman preparatının çatışmazlığının aradan qaldırılması məsələsinin dövlət səviyyəsində həll olunması son zamanlar bu dərmana qarşı tələbatın artmasından irəli gəlib. Müəssisənin yaradılması daxili istehsal hesabına bu preparata olan tələbatın ödənilməsinə, həmçinin ixrac olunmasına şərait yaradacaq.

Layihə 12 mln. dollar həcmində qiymətləndirilir.

Xəbər lenti

Xəbər lenti