Azərbaycan, Bakı/ Trend müxbir İ.Xəlilova/ Azərbaycanda İxtrasın və İnvestisiyaların İnkişafın Fondu (AZPROMO) 2007-ci ildə Himayəçilər Şurası üzvləri tərəfindən üzvlük haqlarının ödənilməsində fəallıq müşahidə edir. Bu barədə cümə günü AZPROMO-nun prezidenti Emil Məcidov bildirib. "Bu il himayəçilərə edilən xəbərdarlıq onlarıln yarıdan çoxunun üzvlük haqqını ödəməsinə səbəb olub",-deyə E.Məcidov bildirib.
Himayəçilərin ümumi sayından (bu günə onların sayı 92-dir) üzvlük haqllarını müvafiq olaraq fondun 60 daimi üzvü ödəyir. Dövlət orqanları bu ödəmələrdən azad olunub. Şura üzvləri iki qrupa bölünüb - daimi üzvlər və fəxri qonaqlar. Daimi üzvlər sırasına özəl sektor və dövlət orqanları təmsilçiləri daxildir. Daimi üzvlər səsvermə və Nizamnamədə nəzərdə tutulmuş digər hüquqlara malikdirlər. BİF, diplomatik nümayəndəliklər və s. bu kimi təşkilatların daxil olduğu fəxri qonaqlar isə səsvermə hüququna yox, yalnız çıxış etmək hüququna malikdirlər.
E.Məcidovun sözlərinə görə, hazırda AZPROMO 50 faiz dövlət, 30 faiz iş adamları, 20 faiz isə beynəlxalq təşkilatların hesabına maliyyələşir. Xərclər fondun ümumi büdcəsindən həyata keçirilir. Vəsaitlərin böyük hissəsi treninqlərin keçirilməsi, beynəlxalq təcrübənin öyrənilməsi, həmçinin əmək haqqının verilməsinə sərf olunur, deyə fond rəhbəri bildirib.
