Azərbaycan, Bakı/ Trend / 2007-ci ilin birinci rübündə Azərbaycan MDB ölkələrindən 416924,7 min dollar dəyərində mal idxal edib ki, bu da ölkənin ümumi idxalının 36,7 faizini təşkil edir. Bu barədə Dövlət Gömrük Komitəsi xəbər verib.
Azərbaycanadan MDB-yə ixrac olunan malların dəyəri isə 221442 min dollar (ümumi ixracın 24,09 faizi) təşkil edib. MDB ölkələri ilə idxal-ixrac əməliyyatlarında 195482,7 min dollar dəyərində mənfi saldo yaranıb.
Ölkədən MDB-yə əsasən şəkər, qənnadı məmulatları, neft məhsulları, kimyəvi maddələr, heyvani və bitki mənşəli yağlar, pambıq, meyvə ixrac olunub.
MDB ölkələrindən isə Azərbaycana mineral yanacaq, dənli bitkilər, avadanlıq, mexaniki qurğular, qara metaldan hazırlanmış məmulatlar idxal olunub.