Azərbaycan,Bakı/müxbir Trend S.Babayeva/Azərbaycanın ən iri metallurgiya müəssisəsi "Baku Stel Company" (BSC) metal xammalın çatışmaması səbəbindən zavodda istehsalatın dayandırılmasının qarşısını almağa çalışır.
Bazar ertəsi BSC-nin vitse-prezidenti Əli Əsgərinin bildirdiyinə görə, bu gün zavoda lazım olan 1,4 min tondan sutkada min tonadək metal xammalı daxil olur.
Müəssisədəki gələcək istehsal məsələlərinə toxunan Əsgəri bildirib ki, indiki şərtlərdə məhsul istehsalının konkret həcmini proqnozlaşdırmaq çətindir. Hazırda şirkətin əməkdaşlarının sayı 1850 nəfər təşkil edir. Vitse-prezidentin sözlərinə görə, ştat ixtisarının qarşısını almaq üçün tədbirlər həyata keçirilir.