Azərbaycan,Bakı/müxbir Trend İ.Xəlilova/ Azərbaycanın Milli Bankı "Visa"nın MDB ölkələri üzrə regional meneceri Svetlana Georbelidzenin iyunun sonunda Bakıya səfəri zamanı "Visa" beynəlxalq ödəmə sistemi ilə milli hesabların manatla tətbiqi sistemi üzrə danışıqları davam etdirəcək. Bu barədə "Millikart" MMC-nin icraçı direktoru Cəlal Orucov məlumat verib.
Onun sözlərinə görə, layihənin reallaşdırılmasının ilkin mərhələsi artıq başa çatdırılır, lakin texniki hissə üçün bir ay tələb olunacaq və müvafiq olaraq payız üçün yeni hesab sistemi artıq hazır ola bilər. Əsas iş AMB və banklarla tariflərin razılaşdırılmasından ibarət olub. "Onların hətta 75 faiz banklarla razılaşdırılmasında yeni hesab sistemi qazana bilər, belə ki, digərləri üçün bu məcburi olacaq", deyə Orucov bildirib.
Keçən həftə Gürcüstanda bank konfransı çərçivəsində Georbelidzenin məlumatına əsasən, praktiki olaraq bütün banklarla prinsipial saziş əldə olunub. Hazırda danışıqlar Azərbaycanın Beynəlxalq Bankı ilə aparılır.
"Millikart" rəhbərinin fikrincə, yeni hesab sisteminin tətbiqi transaksiyalar zamanı Visa komissiyasının 4-7 dəfə, banklararası tariflərin isə 10 dəfə aşağı salınmasına imkan verəcək. Lakin 30 ölkədə, o cümlədən Rusiya, Belarus, Qazaxıstan və Gürcüstanda bu cür sistemi tətbiq etmiş "Visa"nın hesablamalarına görə, komissiyanın dəyəri 15-20 dəfə aşağı düşür.
Bu prosesdə Milli Bankın vasitəçi olmasına baxmayaraq, güzəşt sistemi hər iki prosessinq mərkəzlərinin fəaliyyətinə şamil olunacaq.
"Georbelidzenin səfəri zamanı həmçinin "Visa"nın yeni servis xidmətlərinin sertifikatlaşdırılması üzrə planlar nəzərdən keçiriləcək", deyə Orucov bildirib.
