Azərbaycan, Şəki / Trend müxbir E.Quliyev/ Balakən rayonunda dünən Dövlət Sosial Müdafiə Fondunun (DSMF) yerli şöbəsinin açılışı olub. Trend in bölgə müxbirinin sözlərinə görə, tədbirdə çıxış edən DSMF sədri Səlim Müslümov bildirib ki, şöbənin istifadəyə verilməsində məqsəd əhalinin sosial müdafiəsinin təşkilində ciddi irəliləyişin olmasını təmin etməkdir.
"Yeni yaradılan şöbə məcburi dövlət sığorta haqlarının toplanması və əhalinin sosial müdafiəsinin təşkilində xüsusi rol oynayacaq" - deyə Müslümov əlavə edib.
Balakən paytaxt Bakıdan 490 kilometr şimal-qərbdə yerləşir.
