Azərbaycan, Bakı/ Trend müxbir İ.Xəlilova/ Azərbaycanın lizinq şirkətləri Assosiasiyası "Lizinq haqqında" qanunun yeni redaksiyada hazırlanmasına yardım olunması üçün iyulun birinci dekadasında ACDI VOCA rəhbərliyi ilə danışıqları bərpa edəcək. Bu barədə Assosiasiyanın idarə heyətinin sədri Azər Məmmədov məlumat verib. Onun sözlərinə görə, bu istiqamətdə yardım üçün bu beynəlxalq təşkilatdan yardım alınması üçün ilkin razılıq alınmışdı.
Sonra isə danışıqlar dondurulub.
1993-cü ilə qədər qüvvədə olan normativ akt ləğv olunub və hazırda lizinq əməliyyatları Mülki və Vergi məcəllələrinin müvafiq bəndləri əsasında aparılır.
Qanunvericiliyin təkmilləşdirilməsinə ehtiyac yaranmasının səbəbi hazırda dünyada bir çox lizinq növlərinin olması, Azərbayacan qanunvericiliyində isə bunların təsbit olunmamasıdır. Buna görə də lizinq əməliyyatları zamanı şirkətlərin çətinlikləri yaranır. "Lizinq haqqında" yeni qanun isə şirkətlərə bugünkü innovasiyalara daha yaxşı yanaşmağa imkan verəcək.