Azərbaycan, Bakı /müx. Trend S.Əliyev/ "Heydər Əliyev" beynəlxalq hava limanı PÜRKİNS və Volvo şirkətlərinin istehsalı olan və "Aerovokzal" kompleksinin işıqlandırılmasında istifadə olunan dizel generatorları üçün ehtiyat hissələrin alınmasına dair tender elan edib. Bu barədə hava limanının tender komissiyasından məlumat veriblər.
Tender zamanı effektiv qiymət, yüksək keyfiyyət, layihənin vaxtında icra olunması və təcrübə kimi amillərə üstünlük veriləcək.
Müqavilənin icrası üçün iştirakçılar bütün lazımi texniki və maliyyə imkanlarına malik olmalıdır.
Bütün tələb olunan ehtiyat hissələri müqavilə imzalandıqdan sonra 30 gündən gec olmamaq şərti ilə çatdırılmalıdır. Bütün sənədlər (tender təklifləri və iştirakın təminatından başqa) 2007-ci il iyulun 27-dək təqdim olunmalıdır. Tender təklifləri avqustun 6-dək təqdim edilməlidir. Tender təklifləri olan zərflərin açılması avqustun 7-də baş tutmalıdır.