Azərbaycan, Lənkəran / Trend müxbir P.Əliyeva/ Regionların sosial-iqtisadi inkişafına dair Dövlət Proqramına uyğun olaraq bu günə Lənkəran şəhərində 17 354 yeni iş yeri açılıb. Lənkəran rayon İcra Hakimiyyətinin başçısı aparatından çərşənbə axşamı bildiriblər ki, yeni açılan iş yerlərindən 8 903-ü daimi, 8 451-i isə müvəqqəti və mövsümidir. Gələn ilin sonuna qədər daha 7 000 yeni iş yerinin açılması plandaşdırılır. Hesabat dövründə Lənkəranda 8 yeni sənaye, 143 isə xidmət və istehsal müəssisəsi açılıb. Lənkəranda orta əmək haqqı 103 manatdır ki, bu da ötən ilin müvafiq dövrü ilə müqayisədə 43% çoxdur.
Lənkəran paytaxt Bakıdan 268 kilometr cənubda yerləşir. Əhalisi 201 min 500 nəfərdir. Əhalinin ümumi sayının 51,2 %-ni qadınlar, 48,8 %-ni kişilər təşkil edir.
Regionların sosial-iqtisadi inkişafına dair Dövlət Proqramı 2004-cü ildə qəbul edilib, icrası isə 2008-ci ildə başa çatacaq.
