Azərbaycan, Bakı/ Trend müxbir E.Hüseynov/ Bakıda çərşənbə günü borc məsələsi üzrə ekspertlər səviyyəsində Azərbaycan-Türkmənistan məsləhətləşmələri başlayacaq.
Türkmənistan nümayəndə heyəti bu gecə artıq Azərbaycan paytaxtına gəlib.
Hökumətdən qeyd ediblər ki, Azərbaycan tərəfdən görüşdə "Azəriqaz" QSC, Milli Bank və Maliyyə Nazirliyinin ekspertləri iştirak edəcək.
"Görüşlərin iki gün ərzində aparılması nəzərdə tutulur. Lakin ehtiyac yaranarsa, bu müddət uzadıla bilər" - deyə hökumətdən bildirilib.
Mənbə qeyd edir ki, bu, uzunmüddətli fasilədən sonra tərəflərin borc məsələsinə qayıtdığı birinci mərhələdir.
Azərbaycanın tədarük olunmuş qaza görə Türkmənistana borcu təqribən 18 mln. dollardır. Türkmənistan tərəfi isə borcun 55 mln. dollardan yuxarı olduğunu israr edir.