Azərbaycan, Bakı /müx. Trend S.Babayeva/ Cümə axşamı Kənd Təsərrüfatı Nazirliyinin elmi-aqrar mərkəzindən verilən məlumata görə, sentyabr ayında fransız mütəxəssisləri "Frazer" layihəsi çərçivəsində Bakıya səfər edəcəklər.
Səfər zamanı mütəxəssislər bu il həyata keçirilən tədbirlərin yekunları ilə bağlı, həmçinin sona yetməkdə olan layihənin müddətini uzatmaq imkanları barədə fikir mübadiləsi aparacaqlar. Mütəxəssislərin layihənin əhatə etdiyi Quba, Xaçmaz, Tərtər, Şəki rayonlarına baş çəkəcəkləri də gözlənilir. "Frazer" layihəsi 2003-cü ildən bəri Fransa səfirliyi və Luare kənd təsərrüfatı palatasının təşəbbüsü ilə realaşdırılır. Layihə çərçivəsində dörd min hektardan çox ərazidə pilot meyvə bağları salınıb. Bundan əlavə, fransızlar Azərbaycan tərəfinə eksperiment kimi Tərtər və Şəki rayonlarında əkilmiş buğda növləri təqdim ediblər.
