Azərbaycan, Bakı, 21 fevral/ " müxbir V.Şərifov/ Britaniyanın GCM Global Energy şirkəti Kanadanın Nations Energy şirkətindən pay iştirakı alaraq, Azərbaycanın bir neçə quru yataqlarının işlənməsi üzrə layihələrin iştirakçısı olub.
Kanada şirkəti 85 faiz iştirak payı ilə "Mişovdağ" və "Kəlaməddin" yataqlarının işlənməsi ilə məşğul olan Karasu Operating Company (KAOC) əməliyyat şirkətinin rəhbəri və 80 faiz iştirak payı ilə "Padar" və "Hərrami" yataqlarının işlənməsi ilə məşğul olan Kura Valley Operating Company (KVOC) şirkətinin operatorudur.
Hazırda əməliyyat şirkətlərinin tərkibi belədir: KAOC - GCM Global Energy - 85 faiz, ARDNŞ - 15 faiz, KVOC - GCM Global Energy - 80 faiz, QNKAR - 20 faiz.
"Mişovdağ-Kəlaməddin" quru yatağının işlənilməsi haqqında müqavilə 2000-ci il oktyabrın 12-də imzalanıb. Karasu Operating Company 2007-ci ildə bu yataqlardan 265,3 min neft hasil edib.
"Padar-Hərrami" quru yatağının işlənməsi üzrə müqavilə 1999-cu il aprelin 27-də imzalanıb. Kura Valley əməliyyat şirkəti 2007-ci ildə bu yataqlardan 1,85 min ton neft hasil edib.
Məqalə müəllifinin ünvanı: [email protected]