Azərbaycan, Bakı, 29 iyul/ Trend / "Ekol Muhendislik Xidmetleri" QSC Heydər Əliyev adına Bakı Neft Emalı Zavodunda (BNEZ) gücü saatda 1200 kubmetr olan yeni sutəmizləyici qurğunun tikintisini başa çatdırıb. Bu barədə QSC-nin yaydığı məlumatda bildirilir. Yeni müasir qurğu Almaniyanın "FACET" şirkəti tərəfindən istehsal edilib.
Qurğu sazlama və sınaqdan keçib. Bu işlər Almaniya və Çexiya mütəxəssisləri tərəfindən aparılıb.
Heydər Əliyev adına Bakı Neft Emalı Zavodu ölkədə istehsal edilən şəffaf neft məhsullarının tam həcmini istehsal edir. Bu il zavodda ARDNŞ - dən alınan 5 mln. ton nefti emal etmək nəzərdə tutulur. ARDNŞ nefti yataqlardan şəxsi vəsaitləri hesabına hasil edir. Yanvar-iyunda BNEZ-də 2,3 mln. tondan çox neft emal edilib. 2008 - ci ilin birinci yarımilində zavodda 1,1 mln. tondan çox dizel yanacağı istehsal edilib. 2007-ci ilin yanvar-iyununda bu rəqəm 625 min ton olub.
Ümumilikdə QSC ildə BNEZ-də 15 mln. kubmetr sənaye suyunu emal edir. Çirklənmiş suyun aylıq emalı 1,3 mln. kubmetr təşkil edir ki, bunun 600 min kubmetri qapalı su təminatı sisteminə verilir.
2006 - cı il martın 1- də, Abşeron yarımadasında mövcud ekoloji problemlərin həlli üçün Ekol Muhendislik Xidmetleri QSC-nin təsisçiləri ARDNŞ (51 faiz) və Lancer S.A. Services (49 faiz) şirkətidir.