Azərbaycan, Bakı, 09 oktyabr/ Trend /Azərbaycanda Milli Elmlər Akademiyasının (AMEA) bazasında Xəzər Dənizi problemlərinin və palçıq vulkanının tədqiqi üzrə elmi mərkəzlər yaradılıb. AMEA-nın Geologiya İnstitutunun məlumatında bildirildiyinə görə, bu qərar MDB ölkələrinin dövlət elmi təşkilatları rəhbərlərinin iclasında qəbul edilib.
Petrologiya şöbəsinin müdiri akademik Arif İsmayılzadənin sözlərinə görə, indiyədək Xəzər dənizi və palçıq vulkanı ilə bağlı çoxlu problemlər tədqiq edilsə də, bir neçə ölkənin elmi təşkilatlarının birləşdirilməsi üzrə ikitərəfli razılaşmanın zəruriliyinə ehtiyac yaranıb. Bu beynəlxalq elmi mərkəzlərin dünyada analoqu yoxdur.
Palçıq vulkanının tədqiqi üzrə beynəlxalq mərkəzin AMEA-nın Geologiya İnstitutunda , Xəzər dənizi problemlərinin tədqiqi üzrə beynəlxalq mərkəzin AMEA-nın yanında beynəlxalq təşkilat kimi fəaliyyət göstərəcəyi nəzərdə tutulub.
