Azərbaycan, Bakı, 13 noyabr/ Trend , müxbir A.Bədəlova/ ABŞ -ın Dövlət Enerji İnformasiyaları İdarəsi (EIA) 2009 - cu ildə dünyanın neftə olan tələbatının sutkada cəmi 40 min barel artaraq 85,93 mln. barelə çatacağını proqnozlaşdırır.
EIA - nın proqnozlarına görə, 2008 - ci ildə dünya tələbatı 80 min barel artımla sutkada 85,89 mln. barel təşkil edəcək.
2008 -ci ildə İqtisadi Əməkdaşlıq və İnkişaf Təşkilatı (İƏİT) ölkələrində neftə olan tələbat sutkada 1,35 mln .barel azalaraq 47,79 mln.barelə çatacaq, 2009-cu ildə tələbat sutkada 860 min barel azalaraq 46,93 mln. barelə çatacaq.
İƏİT-ə daxil olmayan ölkələrdə neftə tələbat 2008 -ci ildə sutkada 1,43 mln. barel artaraq 38,1 mln. barelə, 2009-cu ildə sutkada 90 min barel artaraq 39 mln. barelə çatacaq.
EIA -nın proqnozlarına görə, dünya üzrə neft tədarükü həcmləri 2009 - cu ildə sutkada 10 min barel artaraq, 2008 - ci ilin sutkada 85,62 mln. barelindən 85,72 mln. barelə çatacaq.
İƏİT ölkələri 2009 - cu ildə 20,9 mln. barel neft tədarük edəcəklər ki, bu da 2008 -ci ilin göstəricisindən sutkada 20 min barel azdır.
İƏİT-ə daxil olmayan dövlətlərin neft tədarükü həcmi 2009 -cu ildə sutkada 120 min barel artaraq 64,82 mln.barelə çatacaq .Bu göstərici 2008 - ci ildə sutkada 64,7mln.barelə bərabər olub.
Dövlət Enenrji İnformasiyaları İdarəsi ABŞ -ın Enerji Departamentinin strateji agentliyidir. İdarə 1977-ci ildə Konqres tərəfindən yaradılıb.
Məqalə müəllifi ilə əlaqə ünvanı - [email protected]
