Azərbaycan, Bakı, 02 dekabr / Trend , müxbir E.İsmayılov/ Gürcüstanın Kulevi limanındakı Azərbaycan neft terminalı (SOCAR şirkətinə məxsusdur) yaxınlığında batmış dəniz dibini dərinlədən "Skadovsk" gəmisinin dənizin dərinliyindən çıxarılmasına başlanacaq, - çərşənbə axşamı terminaldakı işlərə yaxın mənbə deyib.
"Çernomortexflot" şirkətinə məxsus "Skadovsk" gəmisi iritonnajlı gəmilərin limana daxil olmasına şərait yaratmaq məqsədilə limanda dəniz dibinin dərinləşdirilməsi işləri aparıb. Qəza terminalın fəaliyyətinə heç bir təsir göstərməyib. Gəmilərin limana daxil olmasına maneə yoxdur.
"Çernomortexflot" ASC və Gürcüstanın dəniz adminstrasiyası artıq gəminin dənizin dibindən çıxarılması planını və işlərin dəyərini müzakirə ediblər. Bir neçə günə bu işlər başlanmalıdır", - mənbə bildirib.
Onun sözlərinə görə, artıq terminal "Skadovsk"un çıxarılması prosesinin tezləşdirilməsini tələb edib. "Biz müvafiq orqanlara yazılı müraciət etmişik", - mənbə söləyib. Gəmi bütövlükdə dənizin dibindən çıxarılacaq.
Yanacaq axınından və ekoloji fəlakətdən qaçmaq üçün gəmidəki dizel yanacağı və sürtkü yağı boşaldılıb. "Skadovsk"da cəmi 25-30 ton dizel və beş ton sürtkü yağı olub. Boşaldılma işlərini ukraynalı, azərbaycanlı və gürcüstanlı mütəxəssislər həyata keçirib.
Sentyabrın 30 - da fırtına nəticəsində "Skadovsk" saya oturub və deşilib. Sonra hadisə yerinə gələn ukraynalı mütəxəssislər gəmini yedəyəalma yolu ilə çıxarmağa qərar veriblər. Oktyabrın 3 - də həyata keçirilən yedəkləmə işlərinin gedişində gəmi çevrilib, - mənbə əvvəl məlumat verib.
Qəza nəticəsində gəminin kapitanı və iki ekipaj üzvü həlak olub. Cəsədlərin axtarışları bir neçə gün çəkib. Gəmidə olan 31 nəfərdən 28 - nin həyatı xilas edilib.
Müəlliflə əlaqə ünvanı: capital