Azərbaycan, Bakı, 10 yanvar/ Trend , müxbir Ü.İsmayılova/ Azərbaycanın Standartlaşdırma, Metrologiya və Patent üzrə Dövlət Agentliyi yanvarın 7-dən keyfiyyətsiz qaz sobalarından istifadə zamanı qaz sızması nəticəsində baş verən bir neçə bədbəxt hadisədən sonra istehlak bazarında xaricdən gətirilmiş qaz sobalarının (qızdırıcı) satışı üzərində nəzarəti gücləndirib. Bu barədə şənbə günü Komitənin Hüquq ekspertizası şöbəsinin rəhbəri İbrahim Babayev bildirib.
"İstehlak bazarı üzərində nəzarət üzrə gücləndirilmiş tədbirlər qış mövsümü ərzində və hətta bu mövsüm başa çatdıqdan sonra da davam etdiriləcək", - deyə Babayev bildirib.
Onun sözlərinə görə, ölkənin istehlak bazarında satılan bütün keyfiyyətsiz sobalar satışdan müsadirə ediləcək. Bu gün Komitənin regional orqanları satışdan 84 belə qaz sobası müsadirə ediblər. Bakı üzrə informasiyalar hələ dəqiqləşdirilməyib.
Azərbaycan Nazirlər Kabinetində cümə günü keçirilən iclasda qaz təsərrüfatı istismarı üzrə məsələlərin müzakirəsi zamanı qazdan istifadə qaydalarının pozulması halları və sızma nəticəsində zərər çəkənlərin sayının artmasının səbəblərinin araşdırılması üçün dövlət komissiyasının yaradılması təklif oldunub. İclasda Azərbaycanın Standartlaşdırma, Metrologiya və Patent üzrə Dövlət Agentliyi, Gömrük Komitəsi və Baş Prokurorluq nümayəndələri iştirak ediblər. Bu instansiyalar da nəzərdə tutulan məsələlər üzrə keçirilməsi planlaşdırılan tədbirlərdə iştirak edəcəklər. Planlaşdırılan tədbirlər sırasında abunəçilərin qazdan təhlükəsiz istifadə qaydaları ilə tanış edilməsi də əsas yer alıb.
Məqalə müəllifi ilə əlaqə ünvanı - [email protected]
