...

Qazaxıstanın "KazMunayQaz" şirkəti CNPC-nin "ManqistauMunayQaz" səhmlərinin alınmasında iştirak etdiyini təsdiqləyib

Energetika Materials 19 Mart 2009 00:14 (UTC +04:00)

Qazaxstan, Astana, 19 mart / Trend , müxbir K.Konırova /

Çinin CNPC şirkəti hazırda özəl şirkət olan "ManqistauMunayQaz" SC-nin (MMQ) səhmlərinin alınması barədə Qazaxıstan tərəfi ilə danışıqlar aparır. Bu barədə çərşənbə günü Trend -a "KazMunayQaz" SC-nin (KMQ) prezidenti Kairgeldı Kabıldin bildirib.

İki ay öncə bu məlumat KİV-lərdə qeyri-rəsmi mənbələrə istinadən verilib.

KMQ rəhbəri sözügedən razılaşmada Çin şirkətinin iştirak etdiyini təsdiqləyib. "Danışıqlar hələ ki, CNPC tərəfindən səhmlərin 50%-nin əldə olunması barədə gedir", - Kabıldin dəqiqləşdirib.  

Bir müddət öncə xəbər verilmişdi ki, yanvarın ortalarında MMQ sahibi olan İndoneziya şirkəti Central Asia Petroleum Ltd və "KazMunayQaz", MMQ-nin 50% səhmlərinin, əlavə olaraq SC-nin iki səs hüquqlu səhminin əldə olunması barədə razılaşma imzalayıblar. Razılaşmanın 2009-cu ildə sona çatdırılmasını planlaşdırmaq nəzərdə tutulubmuş.

Paralel olaraq KMQ-nin törəmə şirkəti olan "Kəşfiyyat Hasilat KazMunayQaz" SC əsas müəssisə ilə MMQ-nin 50% və əlavə olaraq iki səs hüquqlu səhmlərin hamısını əldə etmək barədə danışıqlar aparır.

"ManqistauMunayQaz" hazırda 15-i istifadədə olan 36 yatağa malikdir. Ehtiyatlarına görə ən iri yataqlar olan "Kalamkas" və "Jetıbay" Qazaxıstanın qərb hissəsində yerləşir. MMQ Pavlodar NEZ-in 58% səhmlərinə sahibdir.

"ManqistauMunayQaz" şirkətinin gündəlik neft hasilatı 115 min barel təşkil edir.

Şirkətin əsas hasilat işləri sutka ərzində 90 min barel neft təchiz edən "Kalamkas" yatağında aparılır. 2007-ci ildə şirkət 5,6 mln. tondan artıq neft hasil edib.

"KazMunayQaz"  neft-qaz sahəsində Qazaxıstanın dövlət maraqlarını təmsil edən hasilat, kəşfiyyat və emal üzrə milli operatordur. "KazMunayQaz" SC-nin səhmlərinin 100%-i "Samruk Dövlət Aktivlərini İdarə Edən Qazaxıstan Holdinqi"nə məxsusdur.

Məqalə müəllifi ilə əlaqə ünvanı: [email protected]

Xəbər lenti

Xəbər lenti