Qazaxıstan Xəzər üzrə neft nəqli sistemində öz pay hissəsinə malik olacaq
Qazaxıstan, Astana, 11 iyun / Trend , müxbir K.Korınova /
Qazaxıstan Xəzər üzrə neft nəqli sistemində (QXNS) 50 faiz pay hissəsinə sahib olacaq, bu barədə "KazEnergy" Assosiasiyasının sədri Timur Kulibayev Trend -ın müxbirinin sualların; cavablandırarkən bildirib.
"Düzdür, bizim QXNS-də payımız mütləq olacaq", - deyə Kulibayev bildirib.
Lakin o, söhbətin hansı paydan getdiyinə aydınlıq gətirməyib. Əvvəlcə energetika və mineral resurslar naziri Sauat Mınbaev bildirmişdi ki, Qazaxıstan 50 faizdən az pay hissəsi ilə QXNS layihəsinə daxil olmaq niyyətində deyil.
Ötən həftə bildirildiyi kimi "KazMunayQaz" neft şirkətində QXNS layihəsinin həyata keçirilməsinin aktivləşdirilməsi üzrə konsorsiumun iştirakçıları ilə danışıqlara başlanılıb.
"Eskene-Kurık" (QXNS-in birinci mərhələsi) layihəsi üzrə danışıqlar iş mərhələsindədir və layihələşdirməyə keçirik. Danışıqlar "Kaşaqan" layihəsinin iştirakçısı olan şirkətlər və "Şevron" şirkəti ilə aparılır", - Kulibayev bildirib.
Xatırladaq ki, "Qazaxıstan neft-qaz və "KazEnergy" müəssisələri Assosiaisyası " Hüquqi Şəxslər Birliyi 2005-ci ilin noyabr ayında neft-qaz və enerji sektoru şirkətlərinin dövlət orqanları və ictimaiyyətlə dialoqunun inkişafı, sosial təşəbbüslərin səmərəliliyinin artırılması məqsədi ilə yaradılıb və Qazaxıstanın yanacaq-energetika sektorunun səmərəliliyinin yeni səviyyəsinin təşkili prosesində katalizator qismində çıxış edir.
Məqalə müəllifi ilə əlaqə ünvanı: [email protected]
