Azərbaycan, Bakı, 20 iyun / Trend /
Azərbaycanın Qaz Elmi Tədqiqat və Layihə İnstitutu texniki-iqtisadi əsaslandırma (TİƏ) və 2009-2013-cü illərdə regionların sosial-iqtisadi inkişafını sürətləndirmək üçün ölkənin qazla təminatı dövlət proqramı çərçivəsində iş layihələri hazırlayır, İnstitutun direktoru "Respublika" qəzetinə verdiyi müsahibədə bildirib.
"İnstitut SSRİ dövründən qalmış və hazırda qüvvədə olan normativlərin əvəzinə dövlət və sahə tikinti normalarının layihəsini ("Maqistral qaz boruları üçün sahələrin ayrılması", "Maqistral boru xəttləri. Layihələşdirmə normaları", "Qazla təminat. Layihələşdirmə normaları") təsdiq edilməyə təqdim edib", - institutun direktoru Əliyev deyib. Təqdim edilmiş normativlər Dövlət Şəhərsalma və Arxitektura Komitəsi tərəfindən apreldə təsdiq olunub.
"Dövlət tikinti normaları - "Qazla təminat. İşlərin aparılması və onların qəbulu" və "Maqistral qaz boru xəttləri. İşlərin aparılması və onların qəbulu" hazırlanıb və müvafiq nəzarət orqanları ilə razılaşdırılıb və Fövqəladə Hallar Nazirliyinə təsdiq edilməsi üçün təqdim olunub", - Əliyev bildirib.
Azərbaycanın Sənaye və Energetika Nazirliyi institut tərəfindən hazırlanmış sahə normalarını - "Maqistral boru xəttlərinin tikintisi. İşlərin texnologiyası və onların təşkili"ni təsdiq edib.
