Qazaxıstan, Astana, 10 avqust / Trend , müxbir K.Konırova /
İraq Qazaxıstan taxılının tədarükündə maraqlıdır, bu barədə Trend -ın Astanadakı müxbirinə İraqın Qazaxıstandakı işlər vəkili Haldun əl-Cami bildirib.
"Biz Qazaxıstan buğdasının yüksək keyfiyyəti, tərkibindəki yapışqanlığın 25 faiz olması barədə eşitmişik. Buna görə də Qazaxıstan istehsalçılarından taxıl almaq istərdik", - əl-Cami bildirib.
Lakin birbaşa marşrutun olmaması Qazaxıstan buğdasının İraqa tədarükünü çətinləşdirir.
"Qazaxıstan taxılının tədarükü üçün birbaşa çıxışın olmaması problemdir və bu problem bu gün təkcə İraqı deyil, eyni zamanda regionumuzun digər ölkələrini də narahat edir. Mən bu məsələni həmkarlarım - digər ərəb ölkələrininin səfirləri ilə dəfələrlə müzakirə etmişəm və hamımız yeni marşrutların tapılması üzrə eyni fikirdəyik" - iraqlı diplomat qeyd edib.
O xatırladıb ki, hazırda İraqın buğda tələbatı ildə 3,5 milyon ton təşkil edir. Müharibə illəri ərzində su təchizatının məhv olmasını nəzərə alınsa, ölkənin taxıl istehsalı təlabatə üçün kifayət etmir. Ölkə taxılı əsasən ABŞ, Avstraliya və Kanadadan alır.
"Məlumdur ki, Xəzər vasitəsilə Aktau limanı üzərindən Qazaxıstan buğdasının kifayət qədər həcmi qonşu İrana tədarük olunur. Hazırda İran strateji tərəfdaşımızdır, əvvəlki qarşıdurmalar keçmişdə qaldı, bir çox məhsulları biz İran vasitəsilə əldə edirik. Biz Qazaxıstan taxılının bu ölkə vasitəsilə tədarükünü istisna etmirik", - əl-Cami qeyd edib.
Məqalə müəllifi ilə əlaqə ünvanı: [email protected]