Azərbaycan, Bakı, 09 sentyabr / Trend /
Rusiya Federasiyasının İranın Rəşt şəhərindəki konsulu Vladimir İvanenko Şərqi Azərbaycan əyalətinin başçısı Əhməd Əlirzabeyti ilə görüşüb. Bu barədə Mehr İnformasiya Agentliyi xəbər verir.
Görüşdə İvanenko bildirib ki, Rusiya İran və Azərbaycan ilə Arasbaran (İran) regionunda neft-qaz universitetinin, həmçinin neft ixracı və neft kəşfiyyatı fakültəsinin açılmasına yardım etməyə hazırdır.
İvanenko İranın Şərqi Azərbaycan əyaləti ilə Dağıstan arasındakı münasibətlərin genişləndirilməsi istəyi barədə bildirib. "Rusiyanın ticarət şirkətləri kiçik və iri qabaritli su və istilik elektrik stansiyaları inşa edir. Rusiya şirkətləri "böyük və kiçik göllər üçün elektrik stansiyaları inşa edə bilər", - İvanenko deyib.
İvanenko həmçinin bildirib ki, Rusiya Təbrizdə, Təbriz isə Moskvada iqtisadi nümayəndəliyini aça bilər. "Rusiyanın Rəşt şəhərindəki konsulluğu İran vətəndaşlarına viza verməyə hazırdır", - İvanenko bildirib.
