Azərbaycan, Bakı, 19 noyabr / Trend , müxbir E.İsmayılov/
ARDNŞ-ə (Azərbaycan Respublikası Dövlət Neft Şirkəti) məxsus Azərbaycanın Gürcüstandakı Kulevi neft terminalında qazın sıxılması üzrə mühüm istehsalat obyektlərinin inşası daha məqsədəuyğun olardı, neft-qaz bazarındakı mənbə söyləyib.
Mənbənin bildirdiyi kimi, istehsalat obyektlərinin məhz Kulevidə inşası çox yaxşı və məqsədəuyğun olardı, çünki başqa yerlərə nisbətən bu kimi qurğuların inşası burada daha ucuz başa gəlir.
"Bu daha ucuz başa gələrdi, çünki terminal bütün zəruri infrastrukturla təchiz olunub, xüsusilə burada dəmir yolu, körpü, bütün kommunikasiyalar quraşdırılıb, işçi qüvvəsi var və məhz bu nöqteyi-nəzərdən qaz terminalının burada inşası uğurlu seçim olardı", - mənbə əlavə edib.
ARDNŞ-nin rəhbəri Rövnəq Abdullayevin əvvəlcədən dediyi kimi, Azərbaycan Avropa bazarının yanacaq tədarükünün diversifikasiyası çərçivəsində öz qazının tədarükü üzrə müxtəlif variantları nəzərdən keçirir. Əgər marşrutlardan biri Türkiyə ərazisindən keçirsə, diversifikasiya çərçivəsində nəzərdən keçirilən digər variant Kulevi terminalında qaz sıxılması üçün istehsalat obyektlərinin inşası, Bolqarıstana və Rumınayaya nəql edilməsi və Avropaya paylanmasıdır.
Ötən həftə Bolqarıstanda Bulqartransqaz və ARDNŞ arasında təbii qazın nəql olunması barədə qarşılıqlı anlaşma memorandumu imzalanıb. Sənədi Bulqartransqaz-ın icraçı direktoru İvan Drenoviçki və ARDNŞ-nin sənaye və marketinq üzrə vitse-prezidenti Elşad Nəsirov imzalayıb.
Məqalənin müəllifi ilə əlaqə ünvanı: [email protected]