Azərbaycan, Bakı, 02 dekabr / Trend /
ARDNŞ-nin (Azərbaycan Respublikası Dövlət Neft Şirkəti) "Azəriqaz" İstehsalat Birliyi qış vaxtına keçilməsi ilə əlaqədar olaraq abunəçilərə qaz verilişi həcmini artırıb. Bu barədə ARDNŞ-nin məlumatında deyilir.
Hazırda abunəçilərə 16,5 milyon kubmetr qaz - 9 milyon kubmetri Bakı, Abşeron və Sumqayıt abunəçilərinə - tədarük edilir.
Havaların soyuq keçməsi ilə əlaqədar olaraq tədarük edilən qazın həcmi artırılacaq.
Hazırda "Azəriqaz" qaz istehlakı həcminin təmin olunması, abunəçilərin təminatının yaxşılaşdırılması, itkinin və qazdan qanunsuz istifadənin qarşısının alınması və ödənişin artırılması üzrə tədbirlər planı həyata keçirir.
