Azərbaycan, Bakı, 18 dekabr / Trend , müxbir Ü.İsmayılova/
Azərbaycanın və Həştərxan vilayətinin Xəzərin şimalında neft-qaz yataqları üzrə birgə işdə təcrübəsi var. İki gün bundan öncə Həştərxanda LUKoyl şirkətinin "Yuri Karçagin" yatağı əsasında kompleks istifadəyə verilib və bu layihə Rusiya gəmiqayırmaları və Azərbaycan müəssisələri ilə birgə həyata keçirilib. Bu sözləri cümə günü vitse-qubernator - Həştərxan vilayətinin hökumət rəhbəri Konstantin Markelov səfərin yekununa həsr olunmuş mətbuat konfransında deyib.
"Xüsusilə də qazma platforması və yaşayış bloku Həştərxan gəmiqayırma müəssisəsində, bu kompleksə daxil olan dəniz neft anbarı isə Azərbaycan şirkətləri tərəfindən inşa edilib", - Markelov deyib.
Onun sözlərinə görə, bu, tərəflərin bu istiqamətdə əməkdaşlığı davam etdirmələrinə yaxşı nümunədir.
"İstək və bizim strukturların da razılığı var. Azərbaycan tərəfi belə layihələrdə öz marağını və iştirakını təsdiqləyib", - Markelov deyib.
Məqalə müəllifi ilə əlaqə ünvanı: [email protected]