Azərbaycan, Bakı, 18 iyun / Trend /
Cari ilin yanvar-may ayları ərzində Azərbaycan Respublikası Dövlət Neft Şirkəti (ARDNŞ) (birgə müəssisələr və əməliyyat şirkətləri istisna olmaqla) 59 min metrə yaxın qazma işləri həyata keçirib. 2009-cu ilin yanvar-may aylarında bu rəqəm 80 min metrə yaxın təşkil edib. Bu barədə ARDNŞ-dən məlumat verilib.
May ayında ARDNŞ 12750 metr həcmində qazma işləri həyata keçirib. Ötən ilin analoji dövründə bu rəqəm 14968 metr təşkil edib.
Ötən il ARDNŞ 2008-ci ildəki 203 min metrə qarşı 168,2 metr qazma işləri həyata keçirib. 2007-ci ildə bu göstərici 190376 metr olub.
