Azərbaycan, Bakı, 20 iyul /Trend, müxbir E.İsmayılov/
Azərbaycanda iki il ərzində elektrik enerjisində smart-kart bazasında çalışan elektron sayğaclarından tam keçid həyata keçiriləcək. Bu barədə Azərbaycan Elmi-Tədqiqat və Layihə-Axtarış Energetika İnstitutunun direktoru Nurəli Yusifov çərşənbə axşamı bildirib.
Yusifovun sözlərinə görə, hazırda ölkədə 1,5 milyona yaxın yeni nəsil sayğaclar quraşdırılıb ki, bu da respublikada abunəçilərin ümumi sayının, təqribən, 60-70 faizini təşkil edir.
"Rusiyanın energetika naziri Sergey Şmatko MDB Ölkələri Elektrik Enerjisi Şurasında smart-sayğaclara keçid zamanı Azərbaycanın təcrübəsindən istifadə etmək zəruri olduğunu bəyan edib", - Yusifov bildirib.
Bundan əvvəl "Azərenerji" SC-nin (Azərbaycanın regionlarında elektrik enerjisinin istehsalı və paylanması) rəhbəri Etibar Pirverdiyevin dediyi kimi, sayğaclardan istifadə satılan elektrik enerjisi haqları ilə bağlı problemi 95-98 faiz həll etməyə imkan verir.
İlk növbədə, sayğacların quraşdırılmasına Gəncədən başlanılıb. Bu şəhərin 75 minə yaxın abunəçisi bu cihazlarla tam təmin olunub ki, bu da Gəncə şəhərində elektrik enerjisindən istifadəyə görə vəsaitin 100 faiz toplanmasına nail olmağa imkan verib.