Аzərbaycan, Bakı, 21 iyul /Trend/
ARDNŞ-in ekologiya idarəsi "Absheron Operating Company"in mədənlərində ekoloji monitorinq aparıb, - çərşənbə günü idarədən verilən məlumatda deyilir.
Məlumatda deyildiyi kimi, monitorinq zamanı qaz lift metodu ilə istismar olunan quyularda aparılan işlərin yekunları üzrə məlumatlar toplanıb.
Quyularda olan təzyiqi saxlamaq üçün şirkət Hövsan kanalında xüsusi təmizləmə qurğuları vasitəsilə keçən sudan istifadə edir. Gün ərzində bu quyulara 197,4 kubmetr su vurulur.
Həmçinin, monitorinq zamanı radiasiya fonunun ölçüsü müəyyən olunub. Radiasiya fonunun göstəriciləri normaya uyğun gəlib.
