Azərbaycan, Bakı, 29 sentyabr /Trend, müxbir N.İsmayılova /
Azərbaycanın Maliyyə Nazirliyi avroistiqrazların debüt buraxılışına hazırdır. Bu barədə çərşənbə günü ölkənin maliyyə naziri Samir Şərifov məlumat verib.
"Müxtəlif banklar bizim suveren bondların buraxılışına fəal şəkildə həvəsləndirilir, çünki indi borc kapitalı bazarında dərəcələrin rekord səviyyədə aşağı olması səbəbindən bunun üçün çox əlverişli vaxtdır, - Şərifov bildirib. - Avrobondların buraxılışı üçün bütün infrastrukturun artıq mövcud olmasına baxmayaraq, biz buna məqsədəuyğun hesab etdiyimiz vaxt gedə bilərik. Bu gün biz hələlik bunun üzərində fikirləşirik".
O, bu məsələdə, yəni şirkətin öz istiqrazları ilə dünya maliyyə bazarına birinci çıxması üçün ARDNŞ-yə (Azərbaycan Dövlət Neft Şirkətinə) dəstək göstərmək imkanının olduğunu bildirib.
"Burada hər şey ARDNŞ-nin avrobondların yerləşdirilməsindən əldə olunacaq gəlirləri hara yönəldəcəyindən asılıdır", - Şərifov deyib.
Bundan əvvəl ARDNŞ beş ilədək olan müddətə beş bərabər tranşla (hər biri 100 milyon dollar) 500 milyon dollar həcmində bondların debüt buraxılışına hazır olduğunu bəyan etmişdi.