Azərbaycan, Bakı, 28 sentyabr /Trend, müxbir E.İsmayılov/
İstifadəyə verildiyi vaxtdan bu günə kimi (11 il ərzində) "Yenikənd" su elektrik stansiyasında (SES) 3,78 milyard kilovat-saat elektrik enerjisi istehsal edilib. Bu barədə çərşənbə günü Trend-ə "Azərenerji" ASC-nin mətbuat xidmətindən məlumat verilib.
"Yenikənd" SES 2000-ci ildə istifadəyə verilib. O zaman hər birinin gücü 37,5 MVt olan 3 hidroaqreqat istismara verilib. 2003-cü ildə dördüncü hidroaqreqat işə qoşulmaqla müəssisənin gücü 150 MVt-yə çatdırılıb.
Ölkəmizin enerji təhlükəsizliyinin təmin olunmasında müstəsna əhəmiyyət kəsb edən "Yenikənd" SES "Şəmkir Su Elektrik Stansiyaları Silsiləsi"nə daxildir.