Azərbaycan, Bakı, 3 noyabr /Trend, müxbir E.İsmayılov/
Azərbaycanda Rusiyanın "İnteqra-Geofizika" ASC-nin nümayəndəliyi qeydiyyatdan keçib. Bu barədə cümə axşamı Vergilər Nazirliyinin rəsmi saytının "bir pəncərə" bölməsində məlumat verilir.
Trend-in məlumatına görə, şirkətin rəsmi nümayəndəsi qismində Tələt Tağıyev çıxış edir. Nümayəndəliyin həmtəsisçisi "İnteqra-Geofizika" ASC-dir.
Şirkət oktyabrın 10-da qeydiyyatdan keçib.
2004-cü ilin martında yaradılan "İnteqra" şirkətlər qrupu hazırda Rusiyada neft-servis sahəsində aparıcı yerlərdən birini tutur.
"İnteqra" yarandığı gündən Rusiyada və MDB-də neft-qaz sektoru üçün avadanlıq istehsal edən 17 şirkət və müəssisənin aktivlərini birləşdirib.
"İnteqra" şirkətlər qrupu qazma, quyuların əsaslı və cari təmiri, layihələrin inteqrasiyalaşdırılmış idarə olunması, texniki servislər, geofiziki tədqiqatlar və işlər, neft-qaz avadanlıqlarına xidmətlər və s. sahəsində işlər həyata keçirir.
