Azərbaycan, Bakı, 4 aprel / Trend, müxbir E.İsmayılov /
Avropa İttifaqı və Türkmənistan Transxəzər qaz kəməri layihəsi üzrə razılığa gəldikdən sonra Azərbaycan tərəfi öz ərazisindən qazın tranzitinin təmin olunması imkanlarına baxa bilər. Trend-in məlumatına görə, bu barədə çərşənbə günü jurnalistlərə ARDNŞ-nin (Azərbaycan Respublikası Dövlət Neft Şirkəti) prezidenti Rövnəq Abdullayev məlumat verib.
"Azərbaycan Avropa İttifaqı və Türkmənistanın həyata keçirdiyi bu layihənin iştirakçısı deyil. Yalnız tərəflər arasında hansısa razılaşma əldə olunduqdan sonra Bakı tranzitin təmin olunması imkanlarına və variantlarına baxa bilər", - Abdullayev bildirib.
Ötən ilin sentyabrında Aİ Şurası Transxəzər qaz kəmərinin tikintisi ilə bağlı Azərbaycan və Türkmənistanla danışıqlar aparmaq üçün mandatı təsdiqləyib.