Azərbaycan, Bakı, 10 aprel /Trend, müxbir E.İsmayılov/
ARDNŞ-nin (Azərbaycan Respublikası Dövlət Neft Şirkəti) xərc və gəlirlərinin smetasında ayrılmalar bu il təqribən 800 milyon dollar təşkil edəcək. Trend-in məlumatına görə, bu barədə çərşənbə axşamı jurnalistlərə ARDNŞ-nin yüksəkvəzifəli nümayəndəsi bildirib.
"Şirkət bu ayrılmaların bir hissəsinin yerinin doldurulması üçün avrobondların buraxılması hesabına cəlb edilmiş vəsaitləri nəzərdə tutub, yerdə qalan hissə isə büdcənin yerinə yetirilməsindən və vəsaitlərə faktiki zərurətdən asılı olacaq", - o deyib.
Əlavə investisiyaların cəlb olunması məsələsinə gəldikdə, ARDNŞ nümayəndəsi bildirib ki, bu, zərurət olacağı halda mümkündür. Bununla yanaşı, o qeyd edib ki, avrobondlar üzrə gəlirlilik yeni borcalmalar üzrə dərəcələr üçün oriyentr olmayacaq. Bu da banklara başqa tələblərlə və çoxdan qaydaya salınmış əlaqələrlə izah olunur.
ARDNŞ nümayəndəsi onu da deyib ki, bu il əsas xərclərin həcmi bir milyard manat səviyyəsində nəzərdə tutulub.
Onun sözlərinə görə, 2025-ci ilədək inkişaf proqramına gəldikdə isə, şirkət öz fəaliyyətini həmin proqrama uyğun həyata keçirir.
"Bütün proqramın reallaşdırılmasına sərf ediləcək vəsaitlərin həcmi 26 milyard manatı ötür. Bununla yanaşı, hər il ona baxılır və dəqiqləşdirilir", - ARDNŞ nümayəndəsi deyib.
