Azərbaycan, Bakı, 17 sentyabr /Trend, müxbir E.İsmayılov/
Azərbaycanda aşağı təzyiqli polipropilen və polietilen istehsalının təşkili ölkədə yeni iri müəssisələrin yaradılmasına imkan verəcək. Trend-in məlumatına görə, bu barədə bazar ertəsi jurnalistlərə Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev bildirib.
"ARDNŞ özünün kimya müəssisəsi - "Azərikimya" İstehsalat Birliyi çərçivəsində aşağı təzyiqli polipropilen və polietilen istehsalı üzrə yeni qurğuların tikintisini planlaşdırır", - Abdullayev deyib.
Yeni qurğuların tikintisi Kanada avadanlığının əsasında istehsal ediləcək.
Abdullayevin sözlərinə görə, hər bir qurğunun tikintisi təqribən 80-100 milyon manata başa gələcək.