...

"Şahdəniz" layihəsinin səhmdarlarının tərkibində dəyişikliklər prosesi başa çatır

Energetika Materials 27 Mart 2014 14:03 (UTC +04:00)
Norveçin "Statoil" şirkətinin "Şahdəniz" layhəsi və Cənubi Qafqaz qaz kəmərində 10 faizlik iştirak payının Azərbaycan Respublikası Dövlət Neft Şirkəti (ARDNŞ) və Böyük Britaniyanın BP şirkəti tərəfindən alınması üzrə sövdələşmə yaxın vaxtlarda başa çatacaq.

Trend-i buradan izləyin

Azərbaycan, Bakı, 27 mart/Trend, müxbir E. İsmayılov/

Norveçin "Statoil" şirkətinin "Şahdəniz" layhəsi və Cənubi Qafqaz qaz kəmərində 10 faizlik iştirak payının Azərbaycan Respublikası Dövlət Neft Şirkəti (ARDNŞ) və Böyük Britaniyanın BP şirkəti tərəfindən alınması üzrə sövdələşmə yaxın vaxtlarda başa çatacaq. Trend-in məlumatına görə, bu barədə "Nefte Compass" BP-nin "Şahdəniz"in işlənməsi üzrə vitse-prezidenti Al Kuka istinadən xəbər verir.

A. Kuk ümid etdiyini bildirib ki, hər iki sövdələşmə yaxın bir neçə həftə ərzində yekunlaşacaq.

Bəzi KİV-lərin "Total" şirkətinin (Fransa) "Şahdəniz" layihəsində iştirak payının qismən və ya tam satması və "Botaş" şirkətinin (Türkiyə) bu aktivləri əldə etmək istəyi barədə yaydığı xəbərlərə münasibət bildirən A. Kuk qeyd edib ki, BP "Total"ın layihədə iştirak payı ilə bağlı Fransa şirkəti ilə danışıqlar aparmır.

Qeyd edək ki, "Statoil"dən daha əvvəl verilən məlumata əsasən, Azərbaycanda şirkətin aktivlərinin alqı-satqısı üzrə sövdələşmə 1,45 milyard dollar təşkil edir.

"Statoil"in Azərbaycanda aktivlərinin bir qismini satması nəticəsində ARDNŞ və BP "Şahdəniz" qaz-kondensat yatağının işlənməsi layihəsində və Cənubi Qafqaz qaz kəmərində müvafiq olaraq 6,7 faiz və 3,3 faiz əldə ediblər.

Qeyd edək ki, "Şahdəniz" tərəfdaşları (satınalma əməliyyatlarından sonra) aşağıdakı şirkətlərdir: BP, operator (28,8%), ARDNŞ (16,7%), "Statoil" (15,5%), "Total" (10%), Lukoyl (10%), NIKO (10%) və TPAO (9%).

Məqalədə:
Xəbər lenti

Xəbər lenti