Azərbaycan, Bakı, 13 may /Trend, müxbir E. İsmayılov/
İlin sonuna Xəzərin Azərbaycan sektorunda "Abşeron" qaz-kondensat yatağının işlənməsi üzrə konsorsiumun İdarə Heyətinə yatağın işlənməsi proqramı təqdim olunacaq. Trend-in məlumatına görə, bu barədə çərşənbə axşamı jurnalistlərə ARDNŞ (Azərbaycan Respublikası Dövlət Neft Şirkəti) rəhbəri Rövnəq Abdullayev bildirib.
Onun sözlərinə görə, hazırda bu proqramın hazırlanması üzrə işlər aparılır.
Abdullayevin dediyi kimi, söhbət yatağın işlənməsi çərçivəsində illik hasilat və təxminən beş milyard kubmetr qazın satışından gedir.
Kəşfiyyat quyusunun qazılmasının nəticələrinə əsasən, 2011-ci ilin sentyabrında Xəzərin Azərbaycan sektorunda "Abşeron" iri qaz yatağının kəşfi elan edildi.
Yatağın potensial ehtiyatları 350 milyard kubmetr qaz və 45 milyon ton kondensat təşkil edir.